آج رات سے ملک بھر میں بارشوں کا نیا سلسلہ شروع ہونے کا امکان

محکمہ موسمیات کا کہنا ہے کہ آج رات سے 19 ستمبر تک ملک کے مختلف حصوں میں بارشوں کا سلسلہ جاری رہنے کا امکان ہے۔ اس دوران کئی علاقوں میں گرج چمک اور تیز ہواؤں کے ساتھ موسلا دھار بارش بھی متوقع ہے۔

محکمہ موسمیات کے مطابق بحیرۂ عرب سے درمیانی شدت کی مرطوب ہوائیں ملک کے بالائی علاقوں میں داخل ہو رہی ہیں جو بارشوں کا سبب بنیں گی۔ خیبرپختونخوا کے اضلاع دیر، چترال، کوہستان، شانگلہ، بونیر، مالاکند اور کوہاٹ سمیت دیگر علاقوں میں 16 سے 19 ستمبر کے دوران وقفے وقفے سے بارش اور آندھی کا امکان ہے۔

محکمہ موسمیات نے خبردار کا کہنا ہے کہ بارشوں کے باعث ندی نالوں میں طغیانی آسکتی ہے جبکہ نشیبی علاقے زیرِ آب آنے کا خدشہ بھی ہے۔ عوام اور مقامی انتظامیہ کو احتیاطی تدابیر اختیار کرنے کی ہدایت کی گئی ہے تاکہ کسی بھی ناخوشگوار صورتحال سے بچا جا سکے۔