پاکستان نے راولپنڈی میں جاری سہہ فریقی سیریز کے چوتھے ٹی ٹوئنٹی میچ میں زمبابوے کو 69 رنز سے شکستدے کر فائنل میچ میں رسائی حاصل کر لی ہے۔
راولپنڈی کرکٹ سٹیڈیم میں کھیلے گئے میچ میں زمبابوے کی پوری ٹیم پاکستان کے 196 رنز کے ہدف کے تعاقب میں 126 رنز پر آؤٹ ہو گئی۔
یاد رہے کہ گس سیریز میں پاکستان اب تکزمبابوے کو دو جبکہ سری لنکا کو ایک میچ میں شکست دے چکا ہے۔
اتوار کے روز کھیلے گئے اس میچ میں پاکستان نے ٹاس جیت کر پہلے کھیلتے ہوئے زمبابوے کو جیت کے لیے 196 رنز کا ہدف دیا تھا۔
پاکستانی کھلاڑی کے عثمان طارق نے ہیٹ ٹرک سمیت چار کھلاڑیوں کو آؤٹ کیا جبکہمحمد نواز نے دو وکٹیں حاصل کیں۔
پاکستان کے دیے گئے ہدف کے تعاقب میں زمبابوے کے کھلاڑی ریان بورل نے 49 گیندوں پر 67 رنز بنائے تاہم دیگر بیٹرز میں سے کوئی بھی اُن کا ساتھ نہ دے سکا۔
پاکستانی اننگز کی خاص بات بابر اعظم اور صاحبزادہ فرحان کی نصف سینچریاں تھیں جنھوں نے اپنی جارحانہ بلے بازی کے باعث زمبابوے کے بولرز پر دباو ڈالے رکھا۔
پاکستان کے کپتان سلمان علی آغا نے ٹاس جیت کر پہلے خود بیٹنگ کا فیصلہ کیا۔ پاکستان کو اُس وقت پہلا نقصان اُٹھانا پڑا، جب صائم ایوب آٹھ گیندوں پر 13 رنز بنا کر پویلین لوٹ گئے۔
صائم کے بعد بابر اعظم بیٹنگ کے لیے آئے اور صاحبزادہ فرحان کے ساتھ مل کر اُنھوں نے پاکستان کے سکور کو تیزی سے آگے بڑھایا۔
دونوں نے 15٫2 اوورز میں سکور 132 رنز پر پہنچا دیا، جب صاحبزادہ فرحان تین چھکوں اور چار چوکوں کی مدد سے 41 گیندوں پر 63 رنز بنا کر آؤٹ ہو گئے۔
بابر اعظم نے سات چوکوں اور دو چھکوں کی مدد سے 52 گیندوں پر 74 رنز بنائے۔ پاکستان کی جانب سے فخر زمان نچلے نمبر پر بیٹنگ کے لیے اُنھوں نے تین چھکوں اور ایک چوکے کی مدد سے 10 گیندوں پر 27 رنز بنائے۔
Getty Images
فہیم اشرف نے تین، محمد نواز نے چار جبکہ کپتان سلمان علی آغا ایک رنز بنا کر ناٹ آؤٹ رہے۔ زمبابوے کی جانب سے بریڈ ایونز سب سے مہنگے بولر ثابت ہوئے۔ اُنھوں نے چار اوورز میں 59 رنز دے کر ایک وکٹ حاصل کی۔
سکندر رضا نے چار اوورز میں 39 رنز دے کر دو وکٹیں حاصل کیں۔
زمبابوے نے جب ہدف کا تعاقب شروع کیا تو اس کو ابتدائی دھچکا اس وقت لگا جب اوپنر تادیواناشےپہلے ہی اوور میں اوور میں چار رنز بنا کر پویلین لوٹ گئے ۔ ان کو نسیم شاہ نے آؤٹ کیا تھا۔
پاکستان نے سہ فریقی سیریز میں اس میچ سے پہلے سری لنکا اور زمبابوے کو شکست دے کر پوائنٹس ٹیبل پر سرفہرست ہے۔ زمبابوے کی ٹیم دوسرے نمبر پر ہے جس نے سری لنکا کو شکست دی تھِی۔
سری لنکا کی ٹیم اب تک دو میچز کھیل چکی ہے اور دونوں میں اسے شکست کا سامنا کرنا پڑا تھا۔
سعد مسعود: انڈین بلے باز کو پویلین کی راہ دکھانے والے کھلاڑی جنھوں نے پاکستان کو ایشیا کپ رائزنگ سٹارز کے فائنل میں پہنچایاکیچ ڈراپ، نو بال اور مِس فیلڈنگ پر چوکا: ’میچ تو پاکستان جیت گیا مگر مقابلہ زمبابوے نے خوب کیا‘راشد لطیف کی معافی پر نجم سیٹھی اور محسن نقوی آمنے سامنے: ’نہیں سر، میری تشویش بے جا نہیں‘معاذ صداقت: ایشیا کپ رائزنگ سٹارز میں انڈیا کے خلاف مین آف دی میچ بننے والے آل راؤنڈر جو ’فیل ہونے سے نہیں ڈرتے‘فخر کے نچلے نمپر پر بھیجنے پر صارفین کی تنقید
پاکستان کی جانب سے ٹی ٹوئنٹی میچز میں عام طور پر اوپننگ کرنے والے فرحان زمان کو آٹھوِیں نمبر پر بیٹنگ پر بھیجنے پر سوشل میڈیا پر بعض صارفین تنقید کر رہے ہیں۔
عروج جاوید نامی صارف نے لکھا کہ ’فخر کے ساتھ جتنی زیادتی ہوئی، آج تک کسی اور کرکٹر کے ساتھ نہیں ہوئی۔ جب دل کیا اوپنر بھیج دیا اور جب دل کیا نچلے نمبروں پر بھیج دیتے ہیں۔ شرافت کا اتنا فائدہ نہ اُٹھاؤ۔ ‘
احمد حسیب نامی صارف نے فخر زمان کی جارحانہ بلے بازی کی تعریف کرتے ہوئے لکھا کہ ’یہ شخص زبردست ہے۔ کسی بھی نمبر پر بھیج دیں۔ یہ صرف ٹیم کے لیے کھیلتے ہیں۔‘
نعیم نامی صارف نے لکھا کہ ’جو فخر کو نچلے نمبرز پر بیٹنگ کے لیے بھیجتے ہیں۔ اُنھیں سوچنا چاہیے۔‘
ہارون نامی صارف بابر اعظم کو ماضی میں ٹی ٹوئنٹی ٹیم سے ڈراپ کرنے کے فیصلے پر تنقید کرتے ہوئے کہتے ہیں کہ ’بابر کبھی بھی ٹی ٹوئنٹی سے ڈراپ نہیں ہوتے تھے۔ اصل مسئلہ رضوان کا تھا جن کی بیٹنگ کا انداز بابر کو بھی متاثر کرتا تھا۔‘
راشد لطیف کی معافی پر نجم سیٹھی اور محسن نقوی آمنے سامنے: ’نہیں سر، میری تشویش بے جا نہیں‘ٹرائی نیشن سیریز کے تیسرے میچ میں پاکستان کی سری لنکا کو سات وکٹوں سے شکست: ’صاحبزادہ فرحان بہترین بلے بازوں میں سے ایک ہیں‘