ولادیمیر پوتن کی حامی حکمران جماعت کو پارلیمانی انتخابات میں برتری

اردو نیوز  |  Sep 20, 2021

روس کے صدر ولادیمیر پوتن کی حامی حکمران جماعت یونائیٹڈ رشیا پارٹی کو ابتدائی نتائج اور ایگزٹ پول کے مطابق روس کے پارلیمانی انتخابات میں برتری حاصل ہے۔

برطانوی خبر رساں ادارے روئٹرز کے مطابق پورے ملک میں صرف نو فیصد ووٹوں کی گنتی ہونے پر سنٹرل الیکشن کمیشن نے کہا کہ یونائیٹڈ رشیا پارٹی 38.57 فیصد ووٹوں سے جیت رہی ہے ۔

’انسومار‘ کی جانب سے کروائے گئے اور روس کی نیوز ایجنسی آر آئی اے پر شائع ایگزٹ پول کی پیش گوئی کے مطابق یہ جماعت 45 فیصد ووٹوں سے الیکشن جیت رہی ہے۔

2016 میں یہ جماعت 54 فیصد ووٹوں سے جیتی تھی۔ اس کے بعد اس جماعت کی مقبولیت میں کمی آئی ہے۔

ابتدائی نتائج کے مطابق کیمونسٹ پارٹی 25.17 فیصد کے ساتھ دوسرے نمبر پر ہے، جبکہ نیشنلسٹ ایل ڈی پی آر نو فیصد ووٹوں کے ساتھ تیسرے نمبر پر ہے۔

ولادیمیر پوتن حکومت کے ناقد الیکسی ناوالین نے لوگوں سے اپیل کی تھی وہ ان کی ’ٹیکٹیکل ووٹنگ سٹریٹیجی‘ کو اپنائیں جس کے ذریعے مختلف علاقوں میں ان امیدواروں کی حمایت کریں جو یونائیٹڈ رشیا پاٹی کو ہرا سکتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More