انسان کوئی بھی ہو اسے اپنی زندگی میں کسی ایک چیز سے حد سے زیادہ پیار ہوتا ہے تو بالکل ایک ایسا شخص بھی ہے جسے سب سے زیادہ اپنی مونچھوں سے پیار ہے۔ اور یہ پیار ہی تو ہے کہ آج تک انہوں نے اپنی مونچھیں کٹوائی نہیں اور اب یہ بڑھ بڑھ کر 14 انچ سے زائد لمبی ہو گئی ہیں۔
اس شخص کا نام ہے رام سنگھ چوہان جو کہ جے پور انڈیا کا رہائشی ہے۔ آپ اس کی مونچھیں دیکھ کر حیران ہی رہ جائیں گے کیوں کہ وہ 42 سالوں سے اپنی مونچھیں بڑھا رہے ہیں اور کہتے ہیں کہ کچھ بھی ہو جائے یہ مگر اپنی ان انمول و قیمتی مونچھوں کو ہاتھ نہیں لگانے دوں گا۔
یہی نہیں ان مونچھوں کی خاص بات یہ ہے کہ اسے پکڑنے کیلئے ان کے اپنے ہاتھ کم پڑ جاتے ہیں تو گھر والے یا پھر دیگر علاقے کے لوگ اسے پھیلا کر لوگوں کو دکھاتے ہیں۔
رام سنگھ چوہان کا کہنا ہے کہ زندگی میں جو کچھ چاہیے تھا وہ انہیں مل گیا اور تو اور یہ روزانہ 2 گھنٹے ان مونچھوں کو سنوارنے میں لگاتے ہیں جس کے بعد مونچھوں کو گلے میں پہن کر اپنا ایک الگ انداز بنا کر گھر سے باہر نکلتے ہیں ۔ رام سنگھ کی بیوی آشا کہتی ہیں کہ ان کی ان مونچھوں سے ہم گھر والے بہت خوش ہیں کیونکہ معاشرے میں خوب عزت ملتی ہے جس سے بے انتہا خوشی ہوتی ہے۔
اس کے علاوہ ان کی اس کاوش کو گنیز بک آوف ورلڈ ریکارڈ والوں نے بھی سراہتے ہوئے ان کا نام 2010 میں گنیز بک آف ورلڈ ریکارڈ کی کتاب میں شامل کر لیا تھا۔ لہذٰا آب رام سنگھ کا کہنا ہے کہ وہ اپنے اس اعزاز سے خوش تو بہت ہیں اور اسے برقرار رکھنے کی بھی مکمل کوشش کریں گے۔