مڈل ویٹ ایشین باکسنگ چیمپئن شپ میں بھارتی حریف کوہرانے والےشہیر آفریدی کاشاندار استقبال

ہم نیوز  |  Aug 13, 2022

سندھ پولیس ریپڈ رسپانس فورس کا جوان باکسنگ کے شعبے میں بھارتی حریف کو شکست دے کر وطن لوٹ آیا۔ ائیر پورٹ پر باکسر شہیر آفریدی کا صوبائی وزیر سعید غنی اور سندھ پولیس کے افسران  نے استقبال کیا، رہائشگاہ پر جشن بھی منایا گیا۔

سندھ پولیس کے کمانڈو باکسر شہیر آفریدی  نے قوم کو یوم آزادی پر بڑا تحفہ دیا۔ ائیر پورٹ پر سینیئر پولیس افسران اور حکومتی شخصیات نے استقبال کیا۔

بھارتی حریف کو یکطرفہ مقابلے کے بعد شکست فاش دینے والے قومی باکسر رہائش گاہ پہنچے تو وہاں بھی جشن منایا گیا۔شہیر آفریدی نے کامیابی کا سہرا سینئیر پولیس افسران کو دیتے ہوئے جیت کو یوم آزادی کی مناسبت سے قوم کے نام کردیا۔

ان کے والد کا کہنا تھا کہ شہیر آفریدی نے انتھک محنت اور جدوجہد کے بعد مقام حاصل کیا،سینئر پولیس افسران  کا کہنا تھا کہ  یقین تھا کہ شہیر آفریدی ٹائٹل کا دفاع کامیابی سے کر کے وطن لوٹے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More