عدلیہ اور قانونی برادری کی پشست پر کھڑے ہونا ہو گا، عمران خان

اسلام آباد: چیئرمین پاکستان تحریک انصاف (پی ٹی آئی) عمران خان نے کہا ہے کہ سب کو عدلیہ اور قانونی برادری کی پشست پر کھڑے ہونا ہو گا۔

چیئرمین پی ٹی آئی عمران خان نے سماجی رابطے کی ویب سائٹ ٹوئٹر پر لکھا کہ الیکشن کمشین پاکستان پنجاب کے انتخابات ملتوی کر کے آئین سے کھلے عام انحراف کا مرتکب ہوا ہے۔

انہوں نے کہا کہ آج ہر کسی کو اس امید کے ساتھ عدلیہ اور قانونی برادری کی پشت پر کھڑے ہونا ہو گا کہ یہ دستور کا تحفظ کریں گے۔ آئین پر یہ سنگین حملہ اگر آج قبول کر لیا جاتا ہے تو پاکستان میں قانون کی حکمرانی کا خون ہو جائے گا۔

اکتوبر تک پنجاب کےانتخابات ملتوی کرکےECP آئین سےکھلےانحراف کا مرتکب ہواہے۔آج ہر کسی کو اِس امید کےساتھ کہ یہ دستور کا تحفّظ کریں گے،عدلیہ اور قانونی برادری کی پُشت پرکھڑا ہوناہوگا۔کیونکہ آئین پر یہ سنگین حملہ اگر آج قبول کرلیاجاتاہےتو پاکستان میں قانون کی حکمرانی کا خون

— Imran Khan (@ImranKhanPTI)

عمران خان نے کہا کہ ہم نے اپنی 2 صوبائی اسمبلیاں اس امید پر تحلیل کی تھیں کہ 90 روز میں انتخابات کروائے جائیں گے جس کا ہمارا دستور واضح حکم دیتا ہے۔

انہوں نے کہا کہ ہم نے یہ قدم فسطائیوں کے ایک ٹولے کو آین سے انحراف اور قانون کی حکمرانی سے فرار کے ذریعے خوف و دہشت کا راج قائم کرنے کی اجازت دینے کے لیے نہیں اٹھایا تھا۔

ہوجائےگا۔ہم نےاپنی 2 صوبائی اسمبلیاں اس امید پرتحلیل کیں کہ 90 روز میں انتخابات کروائےجائیں گے،جسکا ہمارا دستور واضح حکم دیتاہے۔ہم نےیہ قدم فسطائیوں کےایک ٹولے کو آئین سےانحراف اور قانون کی حکمرانی سےفرار کےذریعےخوف و دہشت کا راج قائم کرنےکی اجازت دینے کیلئےنہیں اٹھایا تھا۔

— Imran Khan (@ImranKhanPTI)