وفاقی وزیر دفاع خواجہ محمد آصف نے کہا ہے کہ خطہ میں دہشت گردی کا اصل شکار پاکستان ہے۔ تفصیلات کے مطابق وفاقی وزیر دفاع خواجہ محمد آصف نے روسی میڈیا کو انٹرویو میں کہا کہ بھارت ہم پر اس چیز کا الزام لگارہا ہے جس سے ہمارا کوئی تعلق نہیں ہے۔
انہوں نے کہا کہ مغرب کی ایما پر اسی کی دہائی میں افغان جنگ میں شمولیت ماضی کے حکمرانوں کی غلطی تھی، خطے میں دہشت گردی کا تعلق دہائیوں قبل مغربی ممالک بالخصوص امریکا کی اختیار کردہ پالیسی سے ہے۔
خواجہ آصف کا کہنا تھا کہ بھارت نے کشیدگی نہ بڑھائی تو پاکستان بھی فوجی کارروائی سے گریز کرےگا لیکن اگر بھارت نے دراندازی کی یا حملہ کیا تو پھر متناسب سے زیادہ جواب دیا جائے گا۔
وفاقی وزیر دفاع خواجہ آصف نے مزید کہا کہ ہم کشیدگی بڑھانا نہیں چاہتے اور نہ ہی کسی اقدام میں پہل چاہتے ہیں۔