مشہور انڈین کامیڈی شو ’دی گریٹ انڈین کپل شو سیزن 3‘ اس ہفتے نیٹ فلکس کی عالمی ٹاپ فائیو شوز کی فہرست میں سے نکل گیا ہے اور اس کی ریٹنگ بھی کم ہوئی ہے۔انڈین شوبز ویب سائٹ ’کوئی موئی‘ کے مطابق حالیہ شو میں کرکٹ سٹارز گوتم گمبھیر، رشبھ پنت، یوزویندر چاہل اور ابھیشیک شرما شامل تھے۔کپل شرما کی کامیڈی انڈین اور پاکستانی ناظرین میں مقبول ہے اور گذشتہ ماہ انہوں نے دھوم مچا دی تھی۔ تازہ ترین سیزن کی پائلٹ قسط میں سلمان خان شامل تھے، جبکہ یہ قسط فلم ’میٹر اِن ڈینو‘ کی کاسٹ سے بھرا ہوا تھا۔روہت شرما شو میں دو اقساط میں نمودار ہوئے جن میں سیزن 1 اور 2 میں بالترتیب 26 لاکھ اور 16 لاکھ ویوز حاصل ہوئے۔ لیکن گوتم گمبھیر اور ان کے ساتھی روہت شرما کی اقساط کا مقابلہ نہ کر سکے۔دی گریٹ انڈین کپل شو کے سیزن 3 کی ریٹنگ میں گذشتہ ہفتے سے 40 فیصد سے زیادہ کی کمی دیکھی گئی۔نیٹ فلیکس کے ڈیٹا کے مطابق ناظرین نے گوتم گمبھیر اور ان کے ساتھیوں کے بجائے ’میٹر اِن ڈینو‘ کی کاسٹ والے شو کا زیادہ لطف اٹھایا۔تیسری قسط کو اس ہفتے 12 لاکھ ویوز ملے اور یہ ہفتہ وار عالمی ٹاپ 10 کی فہرست میں 7ویں نمبر پر ہے۔ اس قسط کو 37 لاکھ گھنٹے دیکھا گیا۔ یہ شو مسلسل تین ہفتوں سے عالمی ٹاپ ٹین کی فہرست میں شامل ہے۔تیسری قسط ایشیا اور افریقہ کے نو ممالک میں ٹاپ 10 میں ہے۔ یہ کسی بھی ملک میں فہرست میں سب سے اوپر نہیں ہے۔ جن جگہوں پر یہ شو ٹرینڈ کر رہا ہے ان میں انڈیا، مالدیپ، متحدہ عرب امارات اور بنگلہ دیش شامل ہیں۔
دی گریٹ انڈین کپل شو کی اگلی قسط میں جیدیپ اہلاوت، وجے ورما، پراتیک گاندھی، اور جتندر کمار بطور مہمان شامل ہوں گے۔ اپنی غیر معمولی اداکاری کی وجہ سے انہوں نے ہمیشہ ناظرین کی توجہ مبذول کی ہے اور شاید ناظرین کی تعداد میں اضافہ ہو۔ یہ شو 12 جولائی 2025 کو نشر ہوگا۔