مفادات کا ٹکراؤ: کوہلی کے خلاف شکایت

اردو نیوز  |  Jul 06, 2020

کرکٹ سے تعلق رکھنے والے دو کاروباروں میں اہم کردار ادا کرنے پر انڈین کرکٹ ٹیم کے کپتان وراٹ کوہلی کے خلاف مفادات کے ٹکراؤ کی شکایت درج کروائی گئی ہے۔

خبر رساں ادارے اے ایف پی کے مطابق انڈین کرکٹ بورڈ کے ایتھکس آفیسر ڈی کے جیئن نے اتوار کو کہا تھا کہ انہیں وراٹ کوہلی کے خلاف شکایت ملی تھی جس پر تحقیقات کی جائیں گی۔

مزید پڑھیںانڈین کرکٹ کو 11 ارب ڈالر نقصان کا خدشہNode ID: 478361انوشکا کی شارٹ پِچ ڈیلیوری پر کوہلی کی محتاط بیٹنگ Node ID: 479366کشمیر اور انڈین کرکٹرز: ’ہمارا ایک، سوا لاکھ کے برابر ہے‘Node ID: 479651

مدھیا پردیش کرکٹ ایسوسی ایشن کے رکن سنجیو گپتا نے وراٹ کوہلی پر الزام لگایا ہے کہ دو کاروباروں میں ان کا کردار انڈین کرکٹ بورڈ کے قواعد کی خلاف ورزی ہے، جس کے تحت ایک شخص متعدد پوسٹس پر کام نہیں کر سکتا۔

انڈین میڈیا کے مطابق ڈی کے جیئن نے کہا ہے کہ وہ دیکھیں گے اس پر کوئی کیس بنتا ہے یا نہیں۔

گپتا نے کہا کہ وراٹ کوہلی سپورٹس (ایل ایل پی) اور کارنر سٹون وینچر پارٹنرز (ایل ایل پی) میں کوہلی کے شریک ڈائریکٹرز کارنر سٹون سپورٹس اینڈ اینٹرٹینمنٹ پرائیویٹ لمیٹڈ میں بھی ڈائریکٹرز تھے۔ یہ ایک ٹیلنٹ ایجنسی ہے جو خدمات حاصل کرنے والے انڈین کرکٹرز کے کمرشل مفادات کا خیال رکھتی اور ان کی برینڈنگ کرتی ہے۔

اس سے قبل سنجیو گپتا نے سچن ٹنڈولکر، وی وی ایس لکشمن اور راہول ڈریوڈ کے خلاف بھی اسی نوعیت کی شکایات درج کروا چکے ہیں۔

تینوں کھلاڑیوں کو ان شکایات کی بنا پر نوٹس جاری کیے گے تھے تاہم بعد میں وہ اس معاملے سے کلیئر ہوگئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More