نئی امریکی پابندیوں کا منہ توڑ جواب دیں گے، روسی وزیرخارجہ سرگئی لاوروف

بول نیوز  |  Dec 04, 2021

روس کے وزیر خارجہ سرگئی لاوروف نے امریکی انڈر سیکرٹری آف اسٹیٹ وکٹوریہ نولینڈ کی جانب سے پابندیوں کے بارے میں بیان پر بات کرتے ہوئے صحافیوں کو بتایا کہ اگر امریکا یوکرائن کے معاملے پر روس کے خلاف مزید پابندیاں عائد کرتا ہے تو ماسکو یقینی طور پر زبردست ردعمل ظاہر کرے گا۔

روسی وزیر خارجہ نے مزید کہا کہ اگر انہوں نے روس کے خلاف نئی پابندیاں لگائیں تو یقیناً ہم ردعمل کا اظہار کریں گے اور یہ ایسا جواب ہوگا جو ہم نے پہلے کبھی نہیں دیا۔

وزیر خارجہ سرگئی لاوروف نے کہا کہ ہمارے پاس ردعمل کے سوا کوئی چارہ نہیں ہے اور اس بار ہم کیسے ردعمل ظاہر کرتے ہیں وہ سب دیکھیں گے۔

اس سے قبل وزیر خارجہ سرگئی لاوروف نے امریکی وزیر خارجہ انٹونی بلنکن سے ہوئی ملاقات میں کہا کہ مشرق میں نیٹو کی مزید توسیع واضح طور پر ہماری سلامتی کو متاثر کرے گی۔ لاوروف نے زور دیا کہ ماسکو تنازعات میں دلچسپی نہیں رکھتا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More