اب اے آئی ٹیکنالوجی آنے والی قدرتی آفات کی پیشنگوئی بھی کرنے لگا۔ اس کا اعلان گوگل کی جانب سے کیا گیا ہے۔
گوگل نے اعلان کیا ہے کہ اس نے آرٹی فیشل انٹیلی جنس (اے آئی) ٹیکنالوجی کے ذریعے قبل از وقت دریائی سیلاب کی درست پیشگوئی کرنے میں کامیابی حاصل کرلی ہے۔
جرنل نیچر میں اس حوالے سے ایک تحقیق کے نتائج جاری کیے گئے۔
اس تحقیق میں بتایا گیا کہ اے آئی ٹیکنالوجی نے کچھ کیسز میں 7 دن قبل ہی دریائی سیلاب کی کامیاب پیشگوئی کر دی تھی۔
مگر سیلاب کے حوالے سے پیشگوئی کرنا آسان نہیں ہوتا کیونکہ بیشتر دریاؤں میں پانی کے بہاؤ کا پیمانہ نہیں ہوتا۔
اسی کو دیکھتے ہوئے گوگل نے مشین لرننگ ماڈلز کو ہر طرح کے متعلقہ ڈیٹا سے تربیت دی گئی تاکہ اس مسئلے سے نمٹا جا سکے۔
اس کے بعد کمپنی نے مقامی نقشے تیار کیے اور ہر مقام کے لاکھوں سمولیشنز چلائے گئے۔
ان تکنیکس کے امتزاج سے مشین لرننگ ماڈلز کے لیے سیلاب کی قبل از وقت درست پیشگوئی کرنا ممکن ہوگیا۔
گوگل نے توقع کا اظہار کیا کہ ان تکینیکس کو عالمی سطح پر مسائل کے لیے حل کے لیے استعمال کیا جائے گا۔
تحقیق کے مطابق اوسطاً اے آئی ٹیکنالوجی نے سیلاب کی پیشگوئی 5 دن قبل کی، مگر کچھ کیسز میں اے آئی ماڈلز نے 7 دن قبل ہی سیلاب کی پیشگوئی کر دی۔