ایران کے سپریم لیڈر آیت اللہ سید علی خامنہ ای نے واضح کر دیا ہے کہ ایران کبھی سرنڈر نہیں کرے گا امریکا جنگ میں شامل ہوا تو ناقابل تلافی نقصان ہو گا اس کے سنگین نتائج ہوں گے۔ اسرائیل نے ایران پر حملہ کرکے سنگین غلطی کی ہے جس کی اسے سزا ملے گی۔
ایران کے سپریم لیڈر آیت اللہ سید علی خامنہ ای نے اپنے پیغام میں کہا کہ ایران پر حملہ کرکے اسرائیل نے بڑی غلطی کردی، اسرائیل کو اس کے مجرمانہ اقدامات کی سزا ملے گی ایرانی عوام اپنے شہیدوں کا لہو کبھی نہیں بھولیں گے جو ایران کو جانتے ہیں ان کو پتاہے ہم دھمکیوں کا جواب کیسے دیتے ہیں۔
اسرائیلی جارحیت کے بعد ایران کے سپریم لیڈر آیت اللہ سید علی خامنہ ای نے سرکاری ٹی وی پر قوم سے پہلی بار خطاب کرتے ہوئے امریکا پر واضح کیا کہ اگر امریکا نے فوجی کارروائی کی تو اس کے سنگین اور ناقابل تلافی نتائج ہوں گے امریکی صدر کی غیر مشروط ہتھیار ڈالنے کی اپیل کو مسترد کرتے ہیں۔
سپریم لیڈر آیت اللہ سید علی خامنہ ای نے کہا کہ امن یا جنگ ایران پر مسلط نہیں کی جا سکتی‘ دانشمند لوگ جو ایران، ایرانی قوم اور اس کی تاریخ کو جانتے ہیں، وہ اس قوم سے دھمکی آمیز زبان میں کبھی بات نہیں کریں گے، کیونکہ ایرانی قوم ہتھیار نہیں ڈالے گی، دشمن مسلم ممالک میں پھوٹ ڈالنے کی کوشش کررہاہے۔ اسرائیل نے ایران پر حملہ کرکے سنگین غلطی کی ہے جس کی اسے سزا ملے گی۔
امریکی صدر ٹرمپ کی دھمکیوں پر سپریم لیڈر نے واضح کیا کہ جو لوگ ایران کی تاریخ سے واقف ہیں، وہ جانتے ہیں کہ ایرانی دھمکیوں کا اچھے طریقے سے جواب دیتے ہیں اس سے قبل سوشل میڈیا سائٹ ایکس پر جاری بیان میں ایرانی سپریم لیڈر نے کہا کہ ایران دہشت گرد صیہونی ریاست کے خلاف بھرپور طاقت سے کارروائی کرے گا اور صیہونیوں سے بے رحمی برتی جائے گی۔