وائٹ ہاؤس میں فیلڈ مارشل سید عاصم منیر کی امریکی صدر سے ملاقات جاری ہے۔ امریکی صدر نے فیلڈ مارشل عاصم منیر کو ظہرانے پر مدعو کیا ہے، پہلی مرتبہ کوئی امریکی صدر سے کسی ملک کے آرمی چیف کی ملاقات ہے اس سے پہلے کسی بھی امریکی صدر نے کسی ملک کے آرمی چیف سے ملاقات نہیں کی ہے۔
فیلڈ مارشل سید عاصم منیرکا تاریخی دورہ پاک امریکا تعلقات اور عالمی سطح پر پاکستان کی عسکری قیادت کی پہچان کی عکاسی کا مظہر ہے، فیلڈ مارشل سید عاصم منیر کی ملاقات علاقائی اور عالمی استحکام میں کلیدی شراکت دار کے طور پر پاکستان کی عسکری قیادت پر بڑھتے ہوئے اعتماد اور اہمیت کی نشاندہی کرتی ہے۔
فیلڈ مارشل سید عاصم منیر کو کسی بھی بھارتی وفد سے پہلے وائٹ ہاؤس میں مدعو کرنا امریکی خارجہ پالیسی میں پاکستان کی سٹریٹجک ترجیح کا واضح اشارہ ہے، امریکی صدر سے آرمی چیف کی ملاقات اس بات کی غمازی ہے کہ امریکا علاقائی استحکام کو برقرار رکھنے میں پاکستان کے کردار سے بخوبی واقف ہے۔
فیلڈ مارشل سید عاصم منیر کا دورہ امریکا اور صدر ٹرمپ سے ملاقات پاکستان کا جنوبی ایشیا میں نیٹ ریجنل اسٹیبلائزر کے طور پر کردار واضح کرتا ہے۔