گلوکارہ آئمہ بیگ شادی کے بندھن میں بندھ گئیں

پاکستانی کی نامور گلوکارہ آئمہ بیگ شادی کے بندھن میں بندھ گئی ہیں۔

بدھ  کو فوٹو اور ویڈیو شیئرنگ پلیٹ فارم انسٹاگرام پر گلوکارہ نے اپنی شادی کی تصاویر شیئر کیں۔

اپنی پوسٹ میں آئمہ بیگ نے لکھا ’گزشتہ شب میں نے اپنے بہترین دوست سے شادی کر لی ہے۔ یہ اب بھی ایک خواب کی طرح لگ رہا ہے لیکن یہ حقیقت میں ہو چکا ہے۔ ہماری زندگی کے اس نئے سفر پر ہمیں اپنی دعاؤں میں یاد رکھیے گا۔‘

    View this post on Instagram           A post shared by Aima Baig (@aima_baig_official)

گلوکارہ نے مزید لکھا ’جلد ہی میں شادی کی مزید تصاویر بھی شیئر کروں گی۔‘

دوسری جانب آئمہ نے شوہر کو بھی پوسٹ میں ٹیگ کیا ہے۔ ان کے اکاؤنٹ سے معلوم ہوتا ہے کہ ان کا نام زین احمد ہے اور پیشے کے اعتبار سے وہ پاکستان کے معروف کپڑوں کے برینڈ ’راستہ‘ کے کریٹو ڈائریکٹر اور شریک بانی ہیں۔

راستہ برینڈ صرف پاکستان میں ہی نہیں بلکہ دنیا بھر میں اپنی ملبوسات کی وجہ سے جانا جاتا ہے اور اس کے لباس معروف بالی وڈ اور ہالی وڈ کے شخصیات بھی زیب تن کر چکی ہیں۔