سی ای او کے الیکٹرک مونس علوی نے خاتون کو ہراساں کرنے کے کیس میں صوبائی محتسب کی جانب سے عائد کردہ 25 لاکھ روپے جرمانہ سندھ ہائیکورٹ کے ناظر کے اکاؤنٹ میں جمع کرا دیا ہے۔
سندھ ہائیکورٹ میں مونس علوی کی جانب سے صوبائی محتسب کے فیصلے کے خلاف دائر درخواست کی سماعت ہوئی جس کے دوران عدالت کو مطلع کیا گیا کہ جرمانے کی رقم ادا کر دی گئی ہے۔
یاد رہے کہ صوبائی محتسب نے مونس علوی پر خاتون کو ہراساں کرنے کا الزام ثابت ہونے پر عہدے سے ہٹانے اور 25 لاکھ روپے جرمانہ عائد کرنے کا حکم دیا تھا۔
تاہم سندھ ہائیکورٹ نے مونس علوی کو عہدے سے ہٹانے کا فیصلہ معطل کر دیا تھا لیکن جرمانے کی رقم کی ادائیگی کو برقرار رکھا تھا۔