کراچی کے علاقے گلشن حدید میں پاور ہاؤس کے قریب واقع گھر میں ڈکیتی کی واردات میں ڈاکو 10 تولہ سونا اور 15 لاکھ روپے نقد لوٹ کر فرار ہو گئے۔
پولیس کے مطابق پانچ رکنی گینگ نے اسلحے کے زور پر گھروالوں کو یرغمال بنایا اور جدید ہتھیاروں کا استعمال کیا۔
واردات کی سی سی ٹی وی فوٹیج بھی منظرِ عام پر آگئی ہے جس میں پانچ ملزمان کو دیکھا جا سکتا ہے۔
فوٹیج میں چار ڈکیت گھر سے باہر نکلتے نظر آ رہے ہیں جبکہ ملزمان واردات کے لیے موٹر سائیکل پر آئے تھے۔ پولیس نے ملزمان کی تلاش کے لیے کارروائی شروع کر دی ہے۔