اسٹیٹ بینک آف پاکستان نے بینکنگ سیکٹر کے ڈپازٹس، ایڈوانسز اور سرمایہ کاری سے متعلق تازہ اعداد و شمار جاری کر دیے۔
رپورٹ کے مطابق اگست 2025 میں بینکوں کے ڈپازٹس 183 ارب روپے اضافے کے بعد 34 ہزار 463 ارب روپے تک پہنچ گئے جس کے بعد ایک سال کے دوران مجموعی ڈپازٹس میں 3 ہزار 685 ارب روپے کا اضافہ ہوا۔
اسٹیٹ بینک کا کہنا ہے کہ اگست میں بینکوں کے ایڈوانسز 72 ارب روپے کمی سے 12 ہزار 289 ارب روپے ریکارڈ کیے گئے اور سالانہ بنیادوں پر ایڈوانسز میں 1 ہزار 350 ارب روپے کا اضافہ ہوا۔
اسٹیٹ بینک کے مطابق بینکوں کی سرمایہ کاری میں بھی اضافہ ہوا اور اگست میں 112 ارب روپے بڑھ کر 36 ہزار 303 ارب روپے ہو گئی۔ ایک سال کے دوران سرمایہ کاری میں 5 ہزار 270 ارب روپے یعنی 17 فیصد اضافہ ریکارڈ کیا گیا۔
اعداد و شمار کے مطابق اگست میں بینکوں کا ڈپازٹ انوسٹمنٹ تناسب 105.30 فیصد رہا جبکہ ڈپازٹ ایڈوانس تناسب 35.7 فیصد ریکارڈ کیا گیا۔