Getty Images
ورلڈ ایٹھلیٹکس چیمپئن شپ میں جیولین تھرو کا فائنل جاری ہے تاہم پاکستان کے ارشد ندیم میڈل کی دوڑ سے باہر ہو گئے ہیں۔
ارشد ندیم ابتدائی تین تھروز میں اچھی کارکردگی نہ دکھانے پر میڈل کی دوڑ سے باہر ہوئے ہیں۔
ارشد ندیم کی پہلی تھرو 82.73 میٹر رہی جبکہ ان کی دوسری تھرو کو فاؤل قرار دے دیا گیا۔
ارشد ندیم کی تیسری تھرو بھی متاثر کن نہیں رہی اور وہ صرف82.75 میٹر رہی جس کے بعد وہ میڈل کی دوڑ سے باہر ہو گئے ہیں۔
ارشد ندیم کے انڈین حریف نیرج چوپڑا بھی فائنل میں خاطر خواہ کارکردگی کا مظاہرہ نہیں کر سکے ہیں۔ اُن کی پہلی تھرو 83.65 میٹر رہی جبکہ دوسری تھرو 84.03 رہی۔ نیرج چوپڑا نے تیسری تھرو میں نیزہ پھینکا لیکن اسے فاؤل قرار دے دیا گیا۔
دوسری جانب فائنل کھیلنے والے دوسرے انڈین کھلاڑی سچن یادیو نے 86.27 میٹر اور 85 میٹرز کی پہلی اور دوسری تھرو پھینکی ہیں۔
فائنل مقابلے میں ہر ایتھلیٹ چھ، چھ مرتبہ تھرو کرے گا جبکہ سب سے زیادہ لمبی تھرو کرنے والا فاتح قرار دیا جائے گا۔
جاپان کے شہر ٹوکیو میں جاری ان مقابلوں میں جیولن تھرو کے ابتدائی راؤنڈ میں ارشد ندیم نے 85.28 میٹر دور نیزہ پھینک کر فائنل کے لیے کوالیفائی کیا تھا۔ ابتدائی مقابلے میں ارشد ندیم کی ابتدائی دو تھروز 77 میٹر سے بھی کم فاصلے پر گریں لیکن آخری تھرو نے مقررہ فاصلہ عبور کیا۔
ارشد کے دیرینہ حریف سمجھے جانے والے انڈیا کے نیرج چوپڑا باآسانی فائنل میں جگہ بنانے میں کامیاب رہے۔ ابتدائی راؤنڈ میں ان کی 84.85 میٹر کی پہلی ہی تھرو انھیں حتمی مرحلے میں پہنچانے کے لیے کافی ثابت ہوئی۔
خیال رہے کہ ارشد ندیم نے 2023 میں ہنگری میں ہونے والے ان عالمی مقابلوں میں چاندی کا تمغہ حاصل کیا تھا اور یہ پہلا موقع تھا کہ کسی پاکستانی ایتھلیٹ نے ان مقابلوں کی تاریخ میں کوئی بھی تمغہ جیتا ہو۔
ارشد ندیم نے 2024 کے پیرس اولمپکس میں گولڈ میڈل حاصل کیا تھا اور یہ کارنامہ 92.97 میٹر فاصلے پر نیزہ پھینک کر سرانجام دیا تھا جو نہ صرف ایک اولمپکس ریکارڈ ہے بلکہ ان کے کریئر کی بہترین کارکردگی بھی ہے۔
Getty Imagesپیرس اولمپکس کے فاتح ارشد ندیم
پاکستان کے ارشد ندیم نے گزشتہپیرس اولمپکس میں جیولن تھرو کے مقابلوں میں نیا اولمپک ریکارڈ قائم کرتے ہوئے نہ صرف طلائی تمغہ حاصل کیا تھا بلکہ پاکستانی قوم کا ان عالمی کھیلوں میں میڈل کے حصول کا تین دہائیوں سے جاری انتظار بھی بالاخر ختم ہو گیا تھا۔
ارشد نے یہ کارنامہ 92.97 میٹر فاصلے پر نیزہ پھینک کر سرانجام دیا جو ان کے کریئر کی بہترین کارکردگی بھی تھی۔
یہ ارشد کے کریئر کی سب سے بڑی جبکہ دنیا میں اب تک پھینکی جانے والی چھٹی سب سے طویل جیولن تھرو تھی۔ارشد نے اس مقابلے میں اپنی آخری تھرو بھی 90 میٹر سے زیادہ فاصلے پر پھینکی۔
یہ دوسرا موقع تھا کہ ارشد نے اپنے کریئر میں 90 میٹر سے زیادہ فاصلے پر تھروز کی ہیں۔
ماضی میں انھوں نے 2022 میں برمنگھم میں دولتِ مشترکہ کھیلوں میں 90.18 میٹر فاصلے پر جیولن پھینک کر طلائی تمغہ جیتا تھا۔
ارشد ندیم نے پاکستان کو ایشیئن ایتھلیٹکس چیمپیئن شپ میں گولڈ میڈل دلوا دیا: ’وہ پرعزم اور بہتر سے بہتر ہونے کے لیے بے چین ہیں‘ماں نے ارشد ندیم کے بارے میں جو بھی کہا دل سے کہا: نیرج چوپڑاارشد ندیم کا گاؤں، ’روسی ٹریکٹر‘ اور والدہ کی خوشی: ’آج تم نے میرا دل بہت بڑا کر دیا‘ہلال امتیاز، سونے کا تاج اور کروڑوں روپے: پاکستان کے لیے اولمپکس میں 40 برس بعد گولڈ میڈل جیتنے والے ارشد ندیم پر انعامات کی بارش سب نظریں ارشد ندیم اور نیرج چوپڑا پر
پاکستان اور انڈیا کے درمیان حالیہ کشیدگی کے پیش نظر اس مرتبہ بھی سب نظریں ارشد ندیم اور نیرج چوپڑہ پر مرکوز ہیں۔
مئی میں پاکستان اور انڈیا کے درمیان جھڑپوں سے پہلے تک دونوں کے درمیان دوستی تھی اور دونوں ایتھلیٹس ایک دوسرے کی تعریف کرتے نہیں تھکتے تھے۔
لیکن مئی کے واقعے کے بعد ایک انٹرویو میں نیرج چوپڑا نے کہا تھا کہ اُن کے لیے ارشد ندیم کے ساتھ پہلے جیسے تعلقات برقرار رکھنا شاید ممکن نہیں ہو گا۔
نیرج چوپڑا کا کہنا تھا کہ اُن کی کبھی بھی ارشد ندیم کے ساتھ گہری دوستی نہیں تھی، صرف ایک باہمی احترام پر مبنی رشتہ تھا۔
ماں نے ارشد ندیم کے بارے میں جو بھی کہا دل سے کہا: نیرج چوپڑاارشد ندیم کا گاؤں، ’روسی ٹریکٹر‘ اور والدہ کی خوشی: ’آج تم نے میرا دل بہت بڑا کر دیا‘ارشد ندیم کے گاؤں میں جشن: ’خواہش تھی کہ میرا بیٹا میڈل جیت کر پاکستان کا نام روشن کرے‘https://www.bbc.com/urdu/extra/515jzqqmfx/throw-it-like-arshad-nadeem-pakistans-trailblazer-javelin-thrower90 میٹر دور جیولن پھینکنے میں خاص کیا ہے اور ارشد ندیم کی ریکارڈ تھرو اتنی غیر معمولی کیوں تھی؟