پاکستان میں ٹیلی وژن اور فلم کی مقبول اداکارہ صبا قمر نے اپنے ناقین کو جواب دیتے ہوئے کہا کہ بحیثیت اداکار اُن کے کام کی غلط تشریح نہ کی جائے اور نہ ہی محض توجہ حاصل کرنے کے لیے اُن کا استحصال کیا جائے۔
صبا قمر اکثر اپنے بیانات اور انداز کے سبب سوشل میڈیا صارفین کی بحث کا موضوع بن جاتی ہے۔
کبھی انتخاب کرنا ہو لاہور یا کراچی کا، تو صبا کا جواب کراچی والوں پسند نہیں آتا لیکن اس بار پنجاب پولیس کے یونیفارم میں صبا قمر کی تصویراور ویڈیونے سوشل میڈیا پر بحث کو جنم دیا۔
ہوا کچھ یوں کے صبا کے قمر کے انسٹا گرام کی ایک پرانی پوسٹ وائر ہو گئی جس میں انھوں نے پنجاب پولیس کا یونیفارم پہنا ہوا تھا۔ یہ تصاویر اُن کے 2023 میں ریلیز ہونے والے ٹی وی ڈرامہ ’سیریل کلر‘ کی تھی۔
اس ڈرامے کے کردار کی تصاویر ان کے سوشل میڈیا اکاؤنٹ پر اکتوبر 2021 میں پوسٹ کی گئی۔
گذشتہ کچھ دن سے پنجاب پولیس کے یونیفارم میں ملبوس اُن کی ویڈیو بھی وائرل ہوئی جس میں وہ یونیفارم پہنے ڈریسنگ روم میں بال بنوا رہی ہے۔
اس وقت خود صبا قمر کے اپنے انسٹا گرام اکاؤنٹ پر صرف تصویر اور ڈرامے کے کلپس موجود ہیں تاہم مختلف پلیٹ فارمز پر ان کی ڈریسنگ روم میں وائرل ہونے والی یونیفارم پہنے ویڈیو موجود نہیں ہیں۔
یاد رہے کہ ان ویڈیوز کے وائرل ہونے کی ایک وجہ یہ بھی ہے کہ لاہور کے ایک شہری نے صبا قمر کے خلاف پولیس سٹشین میں ایک درخواست دائر کی تھی۔ جس میں کہا گیا تھا کہ صبی قمر نے ایک تصویر میں پنجاب پولیس کا یونیفارم پہنا ہوا ہے جبکہ حکومت نے عام افراد کا پولیس کا یونیفارم پہنے پر پابندی عائد کر رکھی ہے۔
صبا قمر کے خلاف دائر کی گئی درخواست میں کہا گیا کہ ہے کہ اگرچہ یہ تصویر ایک ڈرامے کے کردار کی ہے لیکن اس طرح کی تصاویر اور ویڈیوز سوشل میڈیا پر جاری کرنے کا مقصد عوام کو ’گمراہ‘ کرنا ہے۔
’شہرت کے لیے کچھ اور تلاش کریں‘
پولیس میں جمع کروائی گئی اس شکایت کے جواب میں صبا قمر نے جواب دیتے ہوئے کہا کہ بحیثیت اداکار اُن کے کام کی غلط تشریح نہ کی جائے اور نہ ہی محض توجہ حاصل کرنے کے لیے اُن کا استحصال کیا جائے۔
اپنے انسٹا گرام اکاؤنٹ پر پوسٹ میں صبا قمر نے وہ اجازت نامہ بھی شیئر کیا جس میں ڈرامے کی شوٹنگ سے قبل یونیفارم پہننے کے لیے پنجاب پولیس سے تحریری اجازت لی گئی تھی۔
صبا قمر کی پوسٹ میں جو تحریری اجازت نامہ شیئر کیا گیا ہے اُس میں2021 میں ڈی آئی جی آپریشنز پنجاب سے کہا گیا ہے کہ پاکستان کی بہتری اور اُس کی ساکھ بہتر کرنے کے سلسلے میں ایک پراجیکٹ میں ہم پنجاب پولیس کا یونیفارم استعمال کرنا چاہتے ہیں جس کے لیے باقاعدہ اجازت درکار ہے۔
اس تحریری اجازت نامہ پر ہاتھ سے ’Allowed‘ درج ہے۔
صبا قمر نے انسٹا گرام میں اپنے پوسٹ میں لکھا کہ ’برائے مہربانی شہرت کے لیے کچھ اور تلاش کریں، میں نے اب تک جو بھی حاصل کیا ہے وہ میری محنت کا نتیجہ ہے۔ میں آپ کی حوصلہ افزائی کروں گی کہ آپ اپنے کام پر توجہ دیں۔ آپ کا وقت بھی آئے گا۔ گڈ لک‘
صبا قمر کی پولیس یونیفارم کی ویڈیو اور تصویر وائرل ہونے پر اُن کی خلاف شکایت درج کروانے والے وکیل موجدد آفتاب باوجوہ نے مختلف یو ٹیوب چینلز کو دیے گئے انٹرویوز میں بتایا کہ ’پولیس کی جانب سے ڈرامے میں یونیفارم پہنے کی اجازت یا این او سی مل سکتا ہے لیکن یونیفارم پہنے ہوئے شوٹنگ کے وقت ٹریسنگ روم میں میک اپ کرواتے ہوئے ویڈیوز بنانے کی اجازت نہیں ملتی۔‘
اُن کا موقف ہے کہ غیر قانونی طور پر یونیفارم پہننا جرم ہے۔
یاد رہے کہ صبا کہ صبا قمر پہلے بار کسی ڈرامے میں پولیس افسر کا کردار ادا نہیں کیا۔ وہ اس سے پہلے ایک اور کامیڈی ڈرامے ’ایس ایچ ای‘ میں بھی پولیس افسر بنی تھی۔ اس ڈرامے میں انھوں نے پنجاب پولیس کی پرانی ملشیا اور خاکی رنگ کی وردی پہنی تھی۔
’صبا ہمار فخر ہیں اُن کا پچھا چھوڑ دیں‘: سوشل میڈیا پر ردعمل
پرانی تصویر پر عدالت سے رجوع کرنے کا معاملہ اور صبا قمر کے جواب نے پاکستان کے سوشل میڈیا پر ایک نئی بحث کو جنم دیا ہے۔
کئی افراد نے فنکاروں کو ملنی والی آزادی، حقیقی زندگی اور پرفارمنس کے درمیان حد مقرر کرنے پر بات کی جبکہ بعض افراد کا کہنا تھا کہ پنجاب کی وزیراعلیٰ نے بھی پولیس کا یونیفارم پہنا ہوا ہے۔
سوشل میڈیا سائٹ ’فیس بک‘ پر شہزاد یوسف نامی ایک صارف نے لکھا کہ نا انصافی اپنے عروج پر ہے مریم نواز نے حقیقی زندگی کے سٹیج ڈرامے میں پولیس کا یونیفارم پہنا تھا۔ پچھلے سال تو اِنھوں نے کوئی پٹیش دائر نہیں کی تھی۔
فیس بک پر ہی ایک صارف حماد شاہ نے لکھا کہ ’یہ صرف اور صرف مارکیٹنگ ہے اور کچھ نہیں ہے۔‘
ایک اور صارف نے لکھا کہ ’ایک اور تنازع سامنے آ گیا ہے کیونکہ دماغی مرض میں مبتلا افراد پٹیشنرز درخواست دائر کر رہے ہیں۔‘
فیس بک پر ایک صارف نجم لطیف نے لکھا کہ یونیفارم کا غلط استعمال جرم ہے لیکن اس معاملے میں اگر کیس درج ہوتا بھی ہے تو یہ ڈرامے یا فلم کے پروڈیوسر کے خلاف ہونا چاہیے نہ کہ ایکٹر کے خلاف ، کیونکہ ایکٹر تو صرف ہدایت پر عمل کرتا ہے۔
ڈرامہ انڈسٹری سے وابستہ ایک ایکٹر عمر عالم نے اس معاملے پر صبا قمر کا ساتھ دیتے ہوئے کہا ’خدا کے لیے صبا کا پیچھا چھوڑ دیں وہ اس ملک کا فخر ہیں سب اُن کے پیچھے ہی پڑ گئے ہیں۔‘
’استغفر اللہ، مجھے کراچی پسند نہیں‘: صبا قمر کا وہ بیان جس سے ’روشنیوں کے شہر‘ میں رہنے والے ناراض ہو گئےانڈین فلم انڈسٹری سے بہت کچھ سیکھنے کو ملا: صبا قمرکملی: ’تالاب والے سین کے لیے زندگی بھر صبا قمر کا مشکور رہوں گا‘’فیمینیسٹ‘ صبا قمر کے بیان پر اتنے نالاں کیوں ہیں