میلان: اٹلی نے چینی ایپلی کیشن ٹک ٹاک کے خلاف مبینہ خلاف ورزی کرنے پر تحقیقات کا آغاز کر دیا۔
غیر ملکی خبر رساں ایجنسی کے مطابق ٹاک ٹاک ایپلی کیشن پر مبینہ طور پر خودکشی، خود کو نقصان پہنچانے اور دیگر خطرناک مواد شائع کرنے کی خلاف ورزی کا الزام ہے۔
ٹک ٹاک کے خلاف شروع ہونے والے تحقیقات میں ٹک ٹاک کے یورپین کسٹمرز ریلیشنز کے ساتھ اطالوی اور برطانوی ڈویژنز کے ذمہ دار آئرش یونٹ کو بھی شامل کیا گیا ہے۔
دوسری جانب ٹک ٹاک نے کسی بھی قسم کی خلاف ورزی کی تردید کرتے ہوئے کمپنی کی جانب سے تحقیقات میں مکمل تعاون کرنے کی یقین دہانی کرائی ہے۔
یہ بھی پڑھیں:
اطالوی ادارے کا کہنا ہے کہ ٹک ٹاک پر متعدد ایسی ویڈیوز موجود ہیں جس میں نوجوان خود کو نقصان پہنچا رہے ہیں۔
ٹاک ٹاک ترجمان نے تمام الزامات کو مسترد کر دیا اور کہا کہ کمپنی خطرناک سرگرمیوں، خودکشی اور خود کو نقصان پہنچانے والے مواد کو فروغ دینے کی اجازت نہیں دیتی۔