ایک ایسا کیمرہ تیار کرلیا گیا ہے جو کسی بھی لمحے کو باآسانی اپنے اندر محفوظ کرسکتا ہے۔
سائنسدانوں کی جانب سے دنیا کا تیز ترین کیمرا تیار کیا گیا ہے جس کی تصاویر کھینچنے کی رفتار نے سب کو دنگ کر دیا۔
SCARF نامی کیمرا 156.3 terahertz (ٹی ایچ زی) کی اسپیڈ سے تصاویر کھینچ سکتا ہے۔
اسی طرح اس کے پکسلز 156.3 ٹریلین فریم فی سیکنڈ کے مساوی سمجھے جاسکتے ہیں۔
مذکورہ کیمرے کو سائنسی تحقیقی کے حصول کے لیے استعمال میں لایا جائے گا۔
اسکارف نامی اس کیمرے کو کینیڈا کے پروفیسر جیانگ لیانگ اور ان کی ٹیم نے تیار کیا ہے جو عالمی سطح پر الٹرا فاسٹ فوٹوگرافی کے لیے مشہور ہیں۔
اس کیمرے کے تجربات اب تک کامیاب ثابت ہوئے ہیں اور اس کے ذریعے بہت تیزی سے ہونے والے واقعات جیسے سیمی کنڈکٹر کے جذب ہونے کا عمل کھینچنے میں کامیابی حاصل کی گئی۔