اردو نیوز | Jul 18, 2025
بلوچستان کے ضلع ڈیرہ بگٹی سے ڈاکوؤں نے پولیس اور لیویز کے سات اہلکاروں کو اغوا کرلیا۔لیویز کنٹرول ڈیرہ بگٹی کے مطابق ڈیرہ بگٹی کی تحصیل سُوئی میں جمعرات کی دوپہر کو لیویز نے ڈکیتی کی وارداتوں میں ملوث ہونے کے الزام میں دو مشتبہ ڈاکوؤں کو گرفتار کیا۔
لیویز کے مطابق گرفتاری کے ردِعمل میں ڈاکوؤں کے ساتھیوں نے لیویز اور پولیس کے دو ناکوں پر حملہ کیا۔ ملزمان نے دولی کے علاقے سے لیویز کے چار اہلکاروں کو اغوا کرلیا۔ لیویز کے مطابق ’اغوا کے وقت اہلکاروں کے پاس اسلحہ موجود نہیں تھا۔‘’مسلح ڈاکوؤں نے پولیس چوکی عنایت شاہ دربار کے قریب سے پولیس کے تین اہلکاروں کو بھی اغوا کیا اور ان کا اسلحہ ساتھ لے گئے۔‘واقعے کی اطلاع ملتے ہی پولیس اور لیویز کی بھاری نفری علاقے میں پہنچ گئی اور سرچ آپریشن شروع کردیا جبکہ قبائلی سطح پر بھی بازیابی کے لیے کوششیں کی جا رہی ہیں۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More