انڈین کرکٹرز کے پاکستانی کرکٹرز سے ہاتھ نہ ملانے کے معاملے پر آسٹریلوی کھلاڑیوں کی ایک تنقیدی ویڈیو سامنے آئی ہے۔اس ویڈیو میں آسٹریلیا کے معروف کرکٹ سٹارز کی جانب سے انڈین کھلاڑیوں کا مختلف طریقوں سے مذاق اُڑایا جا رہا ہے۔ڈیلی میل کے مطابق یہ ویڈیو ’کائی سپورٹس‘ کی تشہیری مہم کا حصہ تھی، تاہم تنقید کے بعد اسے تمام پلیٹ فارمز سے ہٹا دیا گیا ہے۔یہ ویڈیو ایک ایسے وقت میں سامنے آئی ہے جب 19 اکتوبر سے پرتھ میں آسٹریلیا اور انڈیا کے درمیان تین میچوں پر مشتمل ون ڈے سیریز کا آغاز ہو رہا ہے۔اس تنقیدی ویڈیو میں جوش ہیزل ووڈ، گلین میکسویل، مچل مارش، ایلیسا ہیلی، الانا کنگ اور دیگر کھلاڑیوں کو طنزیہ انداز میں انڈیا کو نشانہ بناتے ہوئے دکھایا گیا تھا۔وائرل ویڈیو میں ’دی گریڈ کرکٹر‘ کے میزبان اور ’کائی سپورٹس‘ کے نمائندے ایان ہیگنز نے انڈین کھلاڑیوں کی ایک مبینہ ’اہم کمزوری‘ کا تذکرہ کیا جس کے بعد مختلف آسٹریلوی کھلاڑیوں نے مصافحہ کی جگہ عجیب و غریب اور بعض اوقات توہین آمیز انداز میں اپنے ’سلام‘ پیش کیے۔سب سے زیادہ تنقید اُس منظر پر ہوئی جس میں آسٹریلوی خاتون کرکٹر سوفی مولینیوکس نے کیمرے کے سامنے ہاتھوں سے عجیب و غریب انداز میں اشارہ کیا جبکہ جوش ہیزل ووڈ کا ’شوٹنگ‘ یعنی گولی چلانے والا اشارہ بھی تنقید کا نشانہ بنا۔سوشل میڈیا صارفین نے اس معاملے پر اپنی آرا کا اظہار کرتے ہوئے ملے جُلے تاثرات کا اظہار کیا۔ماہم فضل نے لکھا کہ ’آسٹریلوی میڈیا اور کھلاڑی اُس موقف پر کیوں ہنس رہے ہیں جسے انڈیا نے نیشنل پرائڈ کے طور پر پیش کیا تھا؟‘AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui
— Maham Fazal (@MahamFazal_) October 14, 2025
یاسر محمود نے لکھا کہ ’آسٹریلوی کرکٹرز نے انڈین ٹیم کے پاکستانی کھلاڑیوں سے ہاتھ نہ ملانے کا مذاق اُڑایا۔‘Australia released a Promo ahead of India-Australia series, mocking Indian's refusal to shake hand with Pakistan pic.twitter.com/o3MRnZuCrJ
— Yasir Mahmood (@MofaYasir) October 16, 2025
علی نامی صارف نے لکھا کہ ’آسٹریلوی کھلاڑی ہاتھ نہ ملانے کے معاملے پر انڈیا کا مذاق اُڑا رہا ہے اور کارٹون نیٹ ورک اس پر رو رہا ہے۔‘Lol…Australians are making fun of Indians no handshake saga & cartoon network is crying over it#INDvsAUS #IndvsAusfinal @PakForeverIA pic.twitter.com/fW8EjpdHHF
— R.Ali (@iRiffatalikhan) October 16, 2025
دوسری جانب انڈین شائقین نے ویڈیو کو توہین آمیز، نسل پرستانہ رویے کی عکاس اور سپورٹس مین سپرٹ کے خلاف قرار دیا ہے۔ سوشل میڈیا پر ایک صارف نے لکھا کہ ’آسٹریلوی کرکٹ ہمیشہ کسی نہ کسی تنازعے کا شکار رہتی ہے، سینڈ پیپر سکینڈل ہو یا انڈر آرم بولنگ، ان میں کبھی بھی مخالفین کا احترام نظر نہیں آیا۔‘
ایک اور صارف نے کہا کہ ’یہ ویڈیو واضح کرتی ہے کہ آسٹریلوی کھلاڑیوں میں تکبر اور بدتمیزی اب بھی موجود ہے۔‘