سنگاپور چہرے کی تصدیق کرنے والی ٹیکنالوجی استعمال کرنے والا پہلا ملک

ہم نیوز  |  Sep 27, 2020

سنگاپور دنیا کا پہلا ملک ہوگا جو اپنی قومی شناختی اسکیم میں چہرے کی تصدیق کرنے والی ٹیکنالوجی کا استعمال کرے گا۔

غیر ملکی خبر رساں ادارے کی رپورٹ کے مطابق بائیومیٹرک نظام سنگاپور کے عوام کو سرکاری و نجی سروسز تک رسائی اور حصول کے لیے محفوظ طریقہ کار فراہم کرے گا۔

حکومتی ٹیکنالوجی ایجنسی کا کہنا ہے کہ یہ ملک کی ڈیجیٹل اکانومی کا بنیادی جزو ہے۔ اس ٹیکنالوجی کا تجربہ ایک بینک کے ساتھ کیا گیا ہے اور اسے قومی سطح پر استعمال کیا جا رہا ہے۔

یہ ٹیکنالوجی نہ صرف کسی شخص کی شناخت کرتی ہے بلکہ یہ یقینی بناتی ہے کہ وہ خود وہاں موجود بھی ہے۔

سنگاپور کو یہ ٹیکنالوجی فرہم کرنے والی برطانوی کمپنی آئی پروو کے سربراہ کا کہنا ہے کہ جب آپ کسی کی تصدیق کرتے ہیں تو آپ کو یہ یقینی بنانا ہے کہ وہ شخص وہاں درحقیقت موجود ہے اور آپ کوئی ویڈیو، تصویر یا دوبارہ چلائی جانے والی غلط اور جعلی ریکارڈنگ نہیں دیکھ رہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More