سائفر آڈیو لیک، عمران خان کا طلبی کے خلاف لاہور ہائی کورٹ سے رجوع

اردو نیوز  |  Dec 05, 2022

پاکستان کے سابق وزیراعظم عمران خان نے ایف آئی اے کی جانب سے امریکی سائفر آڈیو لیک کے معاملے پر طلبی کے خلاف لاہور ہائی کورٹ سے رجوع کر لیا ہے۔

پیر کو لاہور ہائی کورٹ میں دائر درخواست میں موقف اپنایا گیا ہے کہ ’عمران خان ایک ایماندار، باعزت شہری اور ملک کی نامور شخصیت ہیں۔ ان کی بڑھتی ہوئی شہرت سیاسی طاقتوں کے لیے ایک خطرہ بن چکی ہے۔‘

درخواست میں کہا گیا ہے کہ ’بطور وزیراعظم عمران خان نے امریکہ کو افغانستان سے نکلنے میں کامیاب کردار ادا کیا، ایف آئی اے نے سائفر میسج کے معاملے پر تحقیقات شروع کر رکھی ہے اور بیان قلمبند کروانے کے لیے چھ دسمبر کو طلب کیا ہے۔‘

درخواست کے مطابق سائفر انکوائری کو پہلے ہی سپریم کورٹ میں چیلنج کر رکھا ہے۔ عمران خان کو سیاسی انتقام کا نشانہ بنانے کے لیے بے بنیاد انکوائری میں طلب کیا گیا ہے۔ وزیر آباد میں عمران خان پر قاتلانہ حملہ بھی اسی سیاسی انتقام کا شاخسانہ ہے۔

عمران خان نے درخواست میں عدالت سے استدعا کی ہے کہ وہ سائفر آڈیو لیک سکینڈل کی انکوائری کو کالعدم قرار دے اور درخواست کے حتمی فیصلے تک سائفر آڈیو لیک سکینڈل انکوائری کو روکا جائے۔ 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More