وزیر اعظم نے سیلاب متاثرین کے رہائشی یونٹس کا افتتاح کر دیا

ہم نیوز  |  Dec 08, 2022

اسلام آباد: وزیر اعظم شہباز شریف نے سیلاب متاثرین کے رہائشی یونٹس کا افتتاح کر دیا۔

وزیر اعظم شہباز شریف نے افتتاحی تقریب سے خطاب کرتے ہوئے کہا کہ حالیہ سیلاب سے ملک میں بڑے پیمانے پر تباہی ہوئی اور ٹانک میں مخیر حضرات کی مدد سے گھر بنائے گئے ہیں۔ سیلاب سے 20 لاکھ گھر مکمل یا جزوی طور پر تباہ ہوئے۔

انہوں نے کہا کہ اللہ تعالیٰ کے فضل و کرم سے متاثرین کو چھت فراہم کی جا رہی ہے جبکہ وفاقی اور صوبائی حکومتوں نے سیلاب متاثرین کی جو مدد کی وہ قابل تحسین ہے۔ بیرون ممالک نے سیلاب متاثرین کی امداد کے لیے فوری اقدامات کیے اور تمام دوست ممالک کا شکریہ ادا کرتا ہوں جنہوں نے سیلاب متاثرین کی مدد کی۔

یہ بھی پڑھیں: 

شہباز شریف نے کہا کہ سعودی عرب، ترکی، قطر اور دیگر ممالک نے پاکستان کی بھرپور مدد کی جبکہ بدترین حالات اور محدود وسائل کے باوجود وفاقی حکومت نے سیلاب متاثرین کے لیے 70 ارب روپے مہیا کیے۔

انہوں نے کہا کہ صاف وشفاف طریقے سے متاثرین میں رقوم تقسیم کی گئیں۔ کاروباری شخصیات سے گزارش ہے کہ سیلاب متاثرین کی مدد کے لیے آگے آئیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More