“پاک بھارت جنگ ہوئی تو پاکستان جیتے گا اور مادھوری میری ہوگی۔ اپنے بیٹ کو گواہ بنا رہا ہوں کہ جنگ جیتنے کے بعد مادھوری میں لے جاؤں گا“
سوشل میڈیا پر وائرل ایک ویڈیو میں باریش بزرگ کو یہ افسوس ناک اور تضحیک ناک کلمات ادا کرتے ہوئے دیکھا جاسکتا ہے جس میں ان کا بیٹا بھی موجود ہے۔ حضرت جن کے چہرے پر داڑھی اور ماتھے پر محراب کا نشان بھی موجود ہے، اپنی گفتگو میں خاتون کی عزت سے قاصر نظر آئے۔
جہاں اس وقت پاکستان اور بھارت کے درمیان کشیدگی کی صورتحال موجود ہے اور پاکستانی عوام بھارت کی گیڈر بھبکیوں کو میمز اور مذاق میں اڑاتے نظر آرہے ہیں وہیں کچھ ایسے سطحی مذاق بھی کیے جارہے ہیں جن میں دوسرے ملک کی خواتین کو مال غنیمت کے طور پر لے جانے کی بات کی جارہی ہے جو کہ نہایت ہی افسوس ناک بات ہے۔
مذکورہ ویڈیو سامنے آتے ہی بڑی تعداد میں صارفین نے بزرگ کو تنقید کا نشانہ بنایا۔ ایک صارف کا کہنا تھا کہ “چاچا اپنے گھر کا بھی سوچ لو“ جبکہ ایک صارف نے جواب دیا کہ مسلمان ہو کر آپ نے اتنی غلط بات سوچی بھی کیسے۔ آپ کو معافی مانگنی چاہیے، ایک صارف نے یہاں تک لکھا کہ “حرکتیں چیک کرو نے شررم بزرگ کی، آنکھیں ختم ہوگئیں لیکن گھٹیا پن نہ گیا
واضح رہے کہ اسلام ہر مذہب کی خواتین کی عزت کرنے کا درس دیتا ہے اور اس قسم کی نامناسب گفتگو کی سختی سے ممانعت ہے۔