کیا آپ بتا سکتے ہیں یہ شریر سی مسکراہٹ اور روشن آنکھوں والا بچہ آج کا کون سا مشہور پاکستانی اداکار ہے؟ رنگ برنگی دھاریوں والا سوئیئٹر پہنے یہ بچہ کسی ماڈل کی طرح کیمرے کی جانب دیکھ رہا ہے گویا بچپن ہی سے اسٹار بننے کی تیاری تھی۔
یہ پرانی تصویر اب سوشل میڈیا پر وائرل ہو رہی ہے، اور حیرت کی بات یہ ہے کہ یہ بچہ اب نہ صرف پاکستان کا معروف اداکار بن چکا ہے بلکہ اس کی شخصیت، اسٹائل اور اداکاری نوجوانوں میں بے حد مقبول ہے۔
چند اشارے
اگر آپ اب بھی نہیں پہچان پائے تو لیجیے کچھ اشارے: یہ چائلڈ اسٹار بڑا ہو کر ایک کے بعد ایک ہٹ ڈرامہ دے چکا ہے۔ اس کے سخت مزاج کرداروں اور جذباتی ڈائیلاگ ڈیلیوری نے ہر دل میں جگہ بنائی ہے۔ ان کی شہرت "خانی"، "عشقیا" اور "خدا اور محبت" جیسے ڈراموں سے پَر لگا چکی ہے۔
جی ہاں، آپ نے صحیح پہچانا یہ تصویر فیروز خان کے بچپن کی ہے۔
فیروز خان نے شوبز کی دنیا میں قدم ماڈلنگ سے رکھا، پھر وی جے بنے، اور جلد ہی اپنی اداکاری کے جوہر دکھا کر سب کے دل جیت لیے۔ ان کی موجودگی اسکرین پر ہو یا کسی عوامی ایونٹ میں، ان کا انداز ہمیشہ سب سے منفرد ہوتا ہے۔
ان کے مداح انہیں نہ صرف ان کے دل چھو لینے والے کرداروں کی وجہ سے پسند کرتے ہیں بلکہ ان کی حقیقی زندگی کے اتار چڑھاؤ اور صاف گوئی بھی لوگوں کو متاثر کرتی ہے۔