دلہن کو گود میں اٹھا کر انٹری کیلئے جاتا دلہا گر پڑا ۔۔ پھر کیا ہوا؟ ویڈیو

شادی کے دن کو ہمیشہ یادگار بنانے کی خواہش میں اکثر جوڑے انٹری کے منفرد طریقے اپناتے ہیں۔ کبھی لاکھوں روپے خرچ کر کے خاص انداز بنایا جاتا ہے اور کبھی مختلف آئیڈیاز آزمائے جاتے ہیں۔ لیکن کبھی کبھی یہ تجربے الٹا مہنگے بھی ثابت ہو جاتے ہیں۔

بھارتی میڈیا پر سامنے آنے والی ایک تازہ ویڈیو اسی حقیقت کو بیان کرتی ہے۔ فوٹیج میں دیکھا جا سکتا ہے کہ دلہا نے دلہن کو گود میں اٹھا کر سیڑھیوں پر چڑھنے کی کوشش کی تاکہ انٹری منفرد نظر آئے۔ لیکن چند قدم بعد ہی اس کا توازن بگڑ گیا اور وہ دلہن سمیت نیچے جا گرا۔

ویڈیو میں دلہن فوری طور پر خود کھڑی ہو جاتی ہے، تاہم دلہا کو سنبھالنے کے لیے دیگر افراد آگے بڑھتے ہیں اور اسے سہارا دیتے ہیں۔ یہ منظر لمحوں میں ہی وہاں موجود سب کی توجہ کا مرکز بن گیا۔

اب یہ کلپ سوشل میڈیا پر وائرل ہے اور لوگ مختلف تبصرے کر رہے ہیں۔ کچھ صارفین نے جوڑے کی کاوش کو دلچسپ قرار دیا جبکہ کئی افراد نے ایسے غیرضروری رسک لینے پر تنقید بھی کی۔