نوبل انعام یافتہ ملالہ یوسفزئی نے اپنی جدوجہد اور ملالہ فنڈ کی مدد سے اسلام پور یونین کونسل سوات میں گرلز ہائر سیکنڈری اسکول کے قیام کے لیے زمین خرید لی ہے۔
یہ قدم یتیموں اور بچیوں کی تعلیم کے لیے ایک بہت بڑا تحفہ ہے، پہلے سے لڑکیوں کی تعلیم سے محروم اسلام پور گاؤں میں گرلز ہائر سیکنڈری اسکول کا فقدان تھا اور بہت سی بچیاں تعلیم سے محروم تھیں۔
ملالہ یوسفزئی کی والدہ تورپیکئی، والد ضیاءالدین یوسفزئی اور ملالہ فنڈ کی چیف ایگزیکٹو پاکستان نشاط ریاض نے خصوصی طور پر اسلام پور سوات کا دورہ کیا تاکہ علاقے کی تعلیم میں بہتری کا عملی جائزہ لے سکیں۔
اسلام پور جہاں سوات کاٹیج کی بڑی صنعت بھی واقع ہے جس میں ملک اور بیرون ممالک کے لیے گرم شال، ٹوپی اور دیگر مصنوعات تیار کی جاتی ہیں، ملالہ فنڈز سے گرلز ہائر سیکنڈری اسکول کے قیام کے لیے حاضر گل اور عمران خان نے انتہائی کم قیمت پر زمین فراہم کی ہے۔