گلستان جوہر بلاک 9 میں پانی کے گڑھے میں ڈوب کر 2 بچے جاں بحق ہوگئے۔
ریسکیو حکام کے مطابق جاں بحق ہونے والے بچوں کی لاشیں ایمبولینس کے ذریعے جناح اسپتال منتقل کی گئیں، جہاں ایک بچے کی شناخت 12 سالہ مرید حسین جبکہ دوسرے کی شناخت 11 سالہ حارث کی حیثیت سے ہوئی۔
پولیس نے واقعے سے متعلق بتایا کہ عمارت کی تعمیر سے قبل بنیاد ڈالنے کے لیے کھدائی کی گئی تھی اور قریب ہی کچی آبادی کے رہائشی 3 بچے گڑھے میں جمع بارش کے پانی میں نہا رہے تھے جن میں سے 2 ڈوب گئے اور تیسرا بچ گیا۔
وقوعہ کے بعد پولیس ضابطے کی کارروائی میں مصروف ہے، لاشوں کو اسپتال منتقل کردیا گیا ہے۔