سونا اچانک سستا ہوگیا۔۔ جانیں فی تولہ سونے کی نئی قیمت کیا ہوگئی؟

آل پاکستان جیمز اینڈ جیولرز ایسوسی ایشن کے مطابق، فی تولہ سونا 1900 روپے سستا ہوگیا ہے، جس کے بعد اس کی نئی قیمت 3 لاکھ 47 ہزار 500 روپے مقرر کی گئی ہے۔ دس گرام سونے کی قیمت میں بھی 1629 روپے کی کمی ریکارڈ کی گئی، اور یہ اب 2 لاکھ 97 ہزار 925 روپے پر آچکی ہے۔

عالمی مارکیٹ میں بھی سونے کی قیمتوں کا رجحان نیچے کی طرف رہا۔ بین الاقوامی سطح پر فی اونس سونا 19 ڈالر سستا ہو کر 3291 ڈالر پر پہنچ گیا ہے۔ یہ معمولی کمی اگرچہ کوئی بڑی تبدیلی نہیں، لیکن سرمایہ کاروں اور زیورات خریدنے والے صارفین کے لیے ایک وقتی ریلیف کا اشارہ ضرور ہے۔