راولپنڈی کی عدالتی تاریخ میں انوکھا کیس سامنے آگیا

بول نیوز  |  Jul 13, 2020

راولپنڈی کی عدالتی تاریخ میں انوکھا کیس سامنے آگیا، لڑکی نے لڑکی سے شادی کرلی والدین کو پتہ لگا تو لاہور ہائی کورٹ راولپنڈی بینچ میں رٹ دائر کردی۔

تفصیلات کے مطابق راولپنڈی میں عاصمہ بی بی نامی لڑکی  نے نیہا نامی لڑکی سے شادی کر لی ہے، دونوں نے عدالت میں پیش ہو کر کورٹ میرج کی ہے اورعاصمہ نے اپنا شناختی کارڈ تبدیل کروا کر نیا نام آکاش رکھا ہے، دونوں لڑکیاں ٹیکسلا  کی رہائشی ہیں۔

نیہا کے والد  نے وکیل راجہ امجد جنجوعہ کے توسط سے ہائی کورٹ راولپنڈی بینچ میں رٹ دائر کر دی ہے، اور پٹیشن ہائی کورٹ راولپنڈی بینچ میں سماعت کیلئے منظور بھی کرلی گئی ہے جبکہ بینچ نے نوٹس جاری کرتے ہوئے دونوں لڑکیوں کو بدھ 15 جولائی کو طلب کر لیا ہے۔

امجد جنجوعہ کا کہنا ہے کہ دونوں لڑکیوں کے نکاح نامے کا اندراج کنٹونمنٹ بورڈ وارڈ دس میں ہوا، آکاش علی کے لڑکی ہونے کی تمام دستاویزات عدالت کو فراہم کیں، نادرہ سے عاصمہ بی بی نے اپنا شناختی کارڈ تبدیل کروایا اورعاصمہ بی بی کے مطابق اس نے جنس تبدیل کروائی، جبکہ پاکستان میں جنس کی تبدیلی ناممکن بھی ہے اور غیر شرعی بھی۔

درخواست میں موقف لیا ہے کہ عاصمہ بی بی نے نیہا نامی لڑکی سے شادی کی ہے، جس نے اب شناختی کارڈ تبدیل کروا کر نیا نام آکاش رکھ لیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More