مظفرگڑھ: ایک شخص کے قتل میں ملوث پولیس اہلکار گرفتار

سماء نیوز  |  Sep 28, 2020

مظفرگڑھ کے علاقے شہر سلطان میں ایک شخص کے قتل میں ملوث پولیس اہلکار کو گرفتار کر لیا گیا۔

پیر 14 ستمبر کو دکان کے باہر سوئے حبیب اللہ کو سر پر گولی مار کر قتل کیا گیا۔ اندھے قتل کی واردات پر ڈسٹرکٹ پولیس آفیسر مظفرگڑھ محمد حسن اقبال نے شہر سلطان پولیس کو واردات ٹریس کرنے کا ٹاسک دیا۔

پولیس نے مقدمہ درج کر کے جدید ٹیکنالوجی کی مدد سے تحقیقات کی تو پولیس اہلکار ہی قاتل نکلا۔

پولیس اہلکار عباس کا اپنے کزن حبیب اللہ سے زمین کا تنازعہ چل رہا تھا۔ پولیس اہلکار قتل کرنے کے بعد واپس پولیس لائن اپنی ڈیوٹی پر چلا گیا۔

پولیس ترجمان کے مطابق ایس ایچ او تھانہ شہر سلطان خرم ریاض کھر نے انفارمیشن ٹیکنالوجی اور فرانزک سائنس ایجنسی کی مدد سے 10 روز میں قتل کی واردات ٹریس کرکے قاتل کو گرفتار کیا۔

ملزم کو 2008 میں سرکاری بینک ڈکیتی میں ملوث ہونے کی بنا پر نوکری سے برخاست کردیا تھا۔ کچھ عرصہ قبل سروس ٹریبونل سے بحال ہوکر آیا تھا جبکہ سروس سابقہ ریکارڈ کی وجہ سے ملزم کو پولیس لائن میں متعین کیا ہوا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More