پشاور میں پولیس نے بڑی کارروائی کرتے ہوئے آئس اور ہیروئن کی سپلائی کی کوشش ناکام بناتے ہوئے ایک خواجہ سرا سمیت دو اسمگلرز کو گرفتار کرلیا۔
شرقی پولیس کی جانب سے خیبر روڈ پر ڈیفنس کالونی میں ناکہ بندی کے دوران کارروائی عمل میں لائی گئی۔ گرفتار ملزمان کی شناخت خواجہ سرا شہزاد عرف گل پانڑہ ساکن چمکنی اور اس کے ساتھی آصف عرف ابراہیم ولد پیدل خان ساکن ہشتنگری کے طور پر ہوئی۔
پولیس کا کہنا ہے کہ ملزمان کار کے ذریعے منشیات شہر کے مختلف علاقوں میں پہنچانے کی کوشش کر رہے تھے۔
پولیس کے مطابق ملزمان کے قبضے سے گاڑی، آئس اور ہیروئن برآمد کی گئی اور دونوں ملزمان کے خلاف منشیات ایکٹ کے تحت مقدمہ درج کر کے تفتیش شروع کردی گئی ہے۔