امریکی قونصل خانہ کراچی نے 16 جولائی کو ریاستہائے متحدہ امریکا کی آزادی کی 249 ویں سالگرہ کی خوشی میں ایک پُرمسرت اور "کنٹری ویسٹرن" موضوع پر مبنی تقریب کا اہتمام کیا۔
قونصل جنرل اسکاٹ اربام نے وزیر اعلیٰ سندھ مراد علی شاہ، گورنر سندھ کامران ٹیسوری اورحکومتی عہدیداران، نجی شعبے، سول سوسائٹی اور سفارتی برادری کے معزز مہمانوں کو خوش آمدید کہا۔
اس رنگا رنگ تقریب میں امریکا کے مغربی خطے کی سرحدی روح کو خراجِ تحسین پیش کیا گیا۔ اس موقع پر روایتی کنٹری ویسٹرن موسیقی، لائن ڈانسنگ اور خصوصی کھانے پیش کیے گئے۔ تقریب میں امریکا اور پاکستان کے درمیان بڑھتی ہوئی معاشی شراکت داری اور سفارتی تعاون کو اجاگر کیا گیا۔
قونصل جنرل اربام نے دونوں ممالک کے درمیان تجارت اور سرمایہ کاری کے روابط بڑھانے میں امریکی قونصل خانے کے کردار پر روشنی ڈالی۔ انہوں نے کہا، "امریکا پاکستان کی ترقی میں معاونت کے لیے تجارت، سرمایہ کاری، اور اختراع کے ذریعے پُرعزم ہے۔ باہمی ترقی وشراکت داری کو مزید مستحکم کرنے کے لیے ہم ملکرنئے باب رقم کرسکتے ہیں۔" ریاستہائے متحدہ امریکا اور پاکستان کے درمیان تعلیم، تجارت، کاروباری مواقع، سلامتی اور صحت جیسے کئی شعبوں میں طویل شراکت داری اور تعاون کی تاریخ ہے۔ یہ کوششیں دونوں ممالک کے مضبوط تعلقات اور مشترکہ اہداف کی عکاسی کرتی ہیں۔