ڈیرہ اسماعیل خان کے علاقے داناسر درانذدہ میں ٹریفک حادثے کے نتیجے میں 11 افراد جاں بحق اور 3 زخمی ہوگئے۔
ریسکیو 1122 کے مطابق حادثہ اس وقت پیش آیا جب بلوچستان کے علاقے خانوزئی سے ڈیرہ اسماعیل خان آنے والی مزدا گاڑی کے بریک فیل ہوگئے۔ گاڑی میں ایک ہی خاندان کے افراد سوار تھے۔ حادثے میں 5 خواتین، ایک بچہ اور ایک مرد موقع پر ہی جاں بحق ہوگئے۔
حادثے میں زخمی ہونے والوں کو موقع پر طبی امداد دینے کے بعد ڈسٹرکٹ ہیڈ کوارٹر اسپتال ڈیرہ اسماعیل خان منتقل کیا گیا۔ زخمیوں کی شناخت دریاب خان، یوسف اور احمد عمر کے ناموں سے ہوئی ہے۔
ریسکیو حکام کے مطابق حادثے کے بعد علاقے میں ریسکیو ٹیموں نے فوری کارروائی کی اور جاں بحق و زخمیوں کو اسپتال منتقل کیا۔