ماہرہ خان نے سیالکوٹ واقعے پر ردِ عمل دے دیا

بول نیوز  |  Dec 04, 2021

پاکستان شوبز انڈسٹری کی اداکارہ ماہرہ خان نے سیالکوٹ واقعے پر ردِ عمل دے دیا۔

تفصیلات کے مطابق اداکارہ ماہرہ خان نے وزیر اعظم عمران خان سے واقعے پر ایکشن لینے اور  انصاف کی فراہمی کا مطالبہ کیا ہے۔

ماہرہ خان نے سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان کو مخاطب کرتے ہوئے کہا کہ جواب، انصاف اور ملک سے اس عفریت کو ختم کرنے کے لیے آپ کی طرف دیکھ رہی ہوں میں۔

Ashamed!! Sick to my stomach!! Looking at you @ImranKhanPTI for answers, for justice and to take away this menace from our country. #Sialkot

— Mahira Khan (@TheMahiraKhan) December 3, 2021

مشتعل افراد کا دعویٰ ہے کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔

اس واقعے کے حوالے سے ڈی پی او کا کہنا ہے کہ غیرملکی منیجر کی ہلاکت کے واقعے کی تحقیقات کی جارہی ہے۔

تاہم وزیر اعلیٰ پنجاب سردار عثمان بزدار نے بھی واقعہ کی تحقیقات کا حکم دیتے ہوئے انسپکٹر جنرل پولیس سے رپورٹ طلب کرلی۔

عثمان بزدار نے کہا کہ کسی کو قانون ہاتھ میں لینے کی اجازت نہیں دی جاسکتی۔

واضح رہے کہ سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا، مشتعل افراد نے لاش کو سڑک پر گھسیٹا اور آگ لگا دی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More