بانی پی ٹی آئی کی رہائی کیلئے ہمارے پاس احتجاج کے علاوہ کوئی راستہ نہیں،علیمہ خان

بانی پی ٹی آئی کی ہمشیرہ علیمہ خان نے کہا ہے کہ عمران خان کی رہائی کیلئے ہمارے پاس احتجاج کے علاوہ کوئی راستہ نہیں۔

راولپنڈی اڈیالہ جیل کے باہر میڈیا سے گفتگو کرتے ہوئے علیمہ خان کا کہناتھا کہ بانی پی ٹی آئی نے آج کہا ہے کہ احتجاج کبھی روکا نہیں جاتا نہ پرسوں رکنا چاہیے تھا۔

ایران کے سپریم لیڈر علی خامنہ ای کی سکیورٹی بڑھا دی گئی ، محفوظ مقام پر منتقل

انہوں نے کہا کہ عمران خان کو اگر جیل سے نکالنا ہے اور اس فسطائیت کو ختم کرنا ہے تو پرامن احتجاج جاری رکھنا ہوگا،اگر ہم پرامن احتجاج نہیں کریں گے تو وہ عمران خان کو باہر آنے کے بجائے فوجی جیل میں بھی ڈال سکتے ہیں۔

علیمہ خان کا کہنا تھا کہ راولپنڈی کے عوام اپنی اور عدلیہ کی آزادی کیلئے پرامن احتجاج کیلئے نکلے تھے، سامنے پولیس نہیں کالے کپڑوں میں کوئی سپیشل یونٹ تھا جو لوگوں پر ربڑ کی گولیوں کی بوچھاڑ کررہا تھا، علی امین گنڈاپور کا بہت بڑا قافلہ تھا اس پر فائرنگ کی گئی، وفاق میں 17اور پنجاب میں 25 سیٹوں کی حکومت خوفزدہ ہے۔

انہوں نے کہا کہ ہمیں بانی پی ٹی آئی اور عدلیہ آزاد چاہیے، ہمارا احتجاج جاری رہے گا یہ نہیں رکے گے، اس کے علاوہ علاوہ عمران خان اور پی ٹی آئی کارکنان کی رہائی کا کوئی راستہ نہیں۔

الیکشن کمیشن نے سپریم کورٹ کی مخصوص نشستوں کی 14 ستمبر کی وضاحت کو بھی چیلنج کردیا

علیمہ خان نے مزید کہا کہ ملتان،فیصل آباد،میانوالی اور بہاولپور میں احتجاج ہورہا ہے، پرامن احتجاج لوگوں کا آئینی حق ہے، بانی پی ٹی آئی کی سالگرہ والے دن لاہور میں بھی مینار پاکستان پر احتجاج ہوگا۔