ثنامیر نے بڑا اعلان کردیا

بول نیوز  |  Apr 25, 2020

قومی ویمن کرکٹ ٹیم کی سابق کپتان ثنا میر نے اپنے کیریئرکا اہم ترین اعلان کردیا، کئی مداح مایوس ہوگئے۔

تفصیلات کے مطابق پاکستان کی قومی ویمن کرکٹ ٹیم کی سابق کپتان ثنامیرنے ریٹائرمنٹ کااعلان کردیاہے۔

 ثنا میر نے ایک بہترین کپتان اور بہترین آل راونڈر کے طور پر اپنی شناخت بنائی ،انہوں نے  226 انٹرنیشنل میچزمیں شرکت کی  جبکہ137 بین الاقوامی میچزمیں انہیں پاکستان ٹیم کی کپتانی کا شرف حاصل ہوا، انہوں نے 15 سال تک پاکستان ٹیم کی نمائندگی کی۔

پاکستان ویمن کرکٹ ٹیم کی سابق کپتان اورسپنر نے ایک روزہ کرکٹ میں سب سے زیادہ وکٹیں لینے  کا عالمی ریکارڈ قائم کرنے کااعزاز بھی حاصل کیا ہے۔

ثناء میر نے یہ اعزاز گزشتہ برس مئی میں جنوبی افریقہ  کے خلاف ویلومورے پارک بنونی میں کھیلے جانے والے تیسرے ون ڈے کے دوران قائم کیا تھا۔جنوبی افریقہ کے بیٹرایس لوس کو جویریہ خان کے ہاتھوں کیچ آئوٹ کراکے ثنا میر نے یہ اعزاز اپنے نام کیاتھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More