وزیراعظم ٹھیک کہتے تھے کہ یہ قوم ۔۔۔ویناملک نے عمران خان کے دعوے کودرست قراردیدیا

روزنامہ اوصاف  |  Jul 14, 2020

کراچی (ویب ڈیسک )پاکستانی اداکارہ و میزبان وینا ملک کا کہنا ہے کہ وزیر اعظم عمران خان ٹھیک کہتے تھے کہ یہ قوم دنیا کی ذہین ترین قوم ہے۔پاکستانی اداکارہ، گلوکارہ، ماڈل و میزبان وینا ملک سوشل میڈیا پر کافی متحرک نظر آتی ہیں اور  سیاست اور حالات حاضرہ پر اپنی رائے کا اظہار بھی کرتی رہتی ہیں۔وینا ملک نے سماجی رابطے کی ویب سائٹ ٹوئٹر پر اپنے ایک ٹوئٹ میں عالمی وبا کورونا وائرس سے لڑنے کے لیے استعمال ہونے والا طبی سامان سے متعلق بات کی ہے۔انہوں نے اپنے ٹوئٹ میں لکھا ہے کہ جو پاکستان وینٹیلٹرز پیسے سے خریدنے کے لیے بھی امریکا کی منتیں کرتا تھا آج وہ پاکستان دنیا بھر کو اپنی بنائی ہوئی وینٹیلٹرز فروخت کررہا ہے۔وینا ملک کا کہنا تھا کہ سری لنکا نے پاکستان کو 450 وینٹیلٹرز کا آرڈر دے دیا ہے، آج تک پاکستان کےاسپتالوں میں صرف 5 ہزار وینٹیلٹرز موجود تھے، وہ بھی سابق صدر پرویز مشرف نے خریدے تھے۔وینا ملک نے مزید کہا کہ میڈاِن پاکستان وینٹیلٹرز کے بعد پاکستان نے اسٹنٹ یعنی دل کے مصنوعی وال بھی بنانا شروع کردیئے ہیں ۔وینا ملک نے اپنے ٹوئٹ میں وزیر اعظم عمران خان کی تعریف کرتے ہوئے کہا کہ عمران خان ٹھیک کہتا تھا یہ قوم دنیا کی زہین ترین قوم ہے لیکن ہمیں آج سے پہلے ایماندار لیڈر نہیں ملے تھے۔وینا ملک کا کہنا تھا کہ جو چیزیں ہم دنیا سے پیسے دینے کے باوجود منتیں کرکے خریدتے تھے اب دنیا ہم سے خریدے گی۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More