چیئرمین پی پی بلاول بھٹو زرداری کو قتل کی دھمکیاں

ہم نیوز  |  Jul 14, 2020

اسلام آباد: چیئرمین پی پی بلاول بھٹو زرداری کو مبینہ طور پر قتل کی دھمکیاں دی گئی ہیں۔ قتل کی دھمکیاں کالعدم تنظیم کے سابق ترجمان کی جانب سے دی گئی ہیں۔

ہم نیوز کے مطابق پی پی کے رہنما چودھری منظورنے ہم نیوز کے پروگرام ’پاکستان ٹونائٹ‘ میں میزبان ثمر عباس کی جانب سے پوچھے جانے والے سوالات کے جوابات میں مبینہ دھمکی آمیزٹویٹ بھی پڑھ کر سنایا۔

اس ضمن میں ذمہ دار ذرائع کا کہنا ہے کہ پی پی کی جانب سے چیئرمین بلاول بھٹو زرداری کو ملنے والی مبینہ قتل کی دھمکی کے خلاف مقدمہ درج کرانے پہ غور کیا جا رہا ہے۔

ذرائع کے مطابق پی پی رہنماؤں نے فیصلہ کیا ہے کہ وہ بلاول بھٹو زرداری کو ملنے والی مبینہ قتل کی دھمکی کا معاملہ اسمبلی کے فلور پہ بھی اٹھائیں گے۔

ہم نیوز کے مطابق پی پی کے مرکزی رہنما اور سابق وفاقی وزیر اطلاعات و نشریات قمرالزماں کائرہ کل اس ضمن میں باقاعدہ پریس کانفرنس کریں گے جس میں ساری صورتحال سے ذرائع ابلاغ کو آگاہ کیا جائے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More